豐胸篇 | Seven Break Gel Glamorous豐胸乳霜

豐胸，有些人對這個話題有誤解，誤以為一些外塗產品能夠達致功效，但老實說，能夠改變咪咪大小的只有青春期發育或第二度發育即是懷孕，始終大小跟遺傳有關有莫大的關係。無可否認一些植物或人工雌激素內服能夠有助豐胸，但當然是因人而異啦！ 對於胸部的大細，我不會太強求大胸，因為心知是遺傳的關係，（身體嘅整體脂肪相對較少，也算是我欣賞自己的地方）。很重要的一個概念是平胸也要保養！ 我反而比較執著係緊緻度（雖則平胸沒有什麼可以下垂），平胸也要好好保養咪咪～～ 今次試用到Seven Break Gel Glamorous豐胸乳霜HKD$ 218／200g，產地係日本。 原來呢枝豐胸霜喺日本大賣，好受歡迎。 另外，呢個牌子除左豐胸霜之外，仲有7日瘦身霜好出名。

採用純天然野葛根含高濃度異黃酮素富含女性荷爾蒙誘導素和植物性雌激素， 能緊緻及提升胸部，使胸部比以前更挺拔。同時無添加玫瑰精華油成份， 能收緊胸部線條， 令胸部變得柔軟有彈性。 另外豐胸膏加入透明質酸， 使肌膚底層由內到外滋潤飽滿，讓身體發出誘人的魅力訊號。

啫喱嘅質地，質地清爽，一點也不黏笠，冰冰涼涼的︿３︿ 使用方法： 沐浴後，用毛巾擦乾全身，適量既分量均勻塗上胸部，不斷按摩，3小時左右胸部會開始有發熱感覺，每日可用多於一次，連續使用7天，就可以親身體驗胸部既變化同效果。 （根據我嘅實際情況大約一分鐘後就會開始發熱，發熱嘅感覺大約五分鐘就會消除）

效果不錯！ 感覺暖暖地，都幾舒服，但一定唔可以用得多，否則會太熱。 產品嘅原理係透過發熱，加上人手嘅按摩，令胸部嘅淋巴通一通，當長期淋巴都冇塞住時候，可以幫助排毒，用後明顯感覺到軟熟咗︿＿︿ 保濕度就一般（可能自己是大乾肌的關係吧！很快便吸收哂）～ 產品當中有玫瑰精油，味道超吸引，呢點亦都係吸引到我日日搽嘅原因＝］

但說到底，我只會認為市面上不少所謂「豐胸霜」有助緊緻胸部皮膚吧！有讀過科學嘅人都知道普通表皮層嘅吸收係起唔到大嘅效果，只會停留喺皮膚好表層，所以使用呢啲豐胸霜一定要持有咁樣嘅心態，否則只會令你覺得嘥錢，得唔到你理想的效果，咁就無謂啦！！最緊要認清呢個概念～～ ——— Seven Break Gel https://www.facebook.com/sevenbreakgel/ 香港指定分銷商: My Princess HK 我的公主美妝 http://www.myprincessyoyo.com/product-3215.html ——— 是次產品和資料由Seven Break Gel 提供 文章全部內容均屬個人意見及感受，使用效果因人而異，並不代表該品牌／公司之言論及立場。 ～～～～～～～～～～～～～～～～～～～～～～～～～～～～～～～～～～ Contact me：peggysinpikki@gmail.com Facebook page:https://www.facebook.com/piggyandsiushan 入黎禁個讚留意下我既新動向啦 :D 多謝收看♥♥

尖沙咀 美容 | Cotton Rose按摩及面部護理

放學後身心有點疲累，幸好一早預約了為於華懋金馬倫中心 6 樓的Cotton Rose做個按摩及面部護理。都市人工作繁忙，老人唔保養好易，對自己好啲，間唔中嘅facial係好重要㗎！！ 環境寧靜，地方面積頗大。令人感覺十分舒服，不自覺地放鬆下來進入狀態。 去完個廁所，美容師就帶咗我入房啦，等候時間短，好快就做得，值得一讚。

是日療程內容: 全身淋巴排毒按摩 45 分鐘 熱石按摩 20 分鐘 Aqua peel 面部護理 35 分鐘

一開始係全身淋巴排毒按摩（ 45 分鐘），這個按摩是全身按，並不是局部性（想做其他部位要額外加錢等等情況都唔會出現）。 由肩膊照顧到腳底，十分貼心。首先美容師會按一按穴位和鬆一鬆筋絡，隨即會搽上按摩油，透過皮膚的磨擦產生微溫，進行全身推淋巴，力度拿捏得很好，不太痛～只是偶爾較緊的位置例如肩膊會比較痛，但當時間時間耐咗，感覺不太痛，因為肌肉變得放鬆，因此變得超級享受和舒服，開頭係一定會比較辛苦架～有助通經絡淋巴和舒緩疲勞，仲可以去水腫。 熱石按摩 （20 分鐘）仲正，哈哈！成個treatment包左好多舊熱石，好正，但溫度好高所以要小心啲！首先美容師會喺我嘅背脊對落位置放上一條毛巾，然之後再加啲熱石上去，感覺暖暖地，好舒服。當熱石嘅溫度降一個點，美容師會開始係我在背脊上「做野」ＸＤ由肩頸嘅位置開始，順應淋巴位，一一推落去，一啲都唔痛，反而暖暖地好舒服，好鍾意呢種感覺，促進血液循環，活血化瘀！～～最後會推埋手臂嘅位置，趕走拜拜肉＞Ｗ＜當熱石嘅溫度減至一半左右就擺落對手度，正。

最後的Aqua peel 面部護理（35 分鐘），唔止做左 35 分鐘，呵呵！呢個facial講明唔會用機，主要係人手搽敷搽敷，好處係係對皮膚嘅刺激降至最低，特別適合敏感肌膚同埋痘痘肌。而壞處就係比較容易進行，效果未必有做機咁好。 而當日嘅Aqua peel有兩個系列給我選擇，一個是適合痘痘肌膚，另一個是適合有皮膚敏感，例如玫瑰座瘡和濕疹。咁聽落都好適合，因為呢排我嘅頸部濕疹又發作，所以揀咗後者，特別之處係佢使用到full set，治療性會加強！！ 首先係基本卸妝和洗面奶，值得一提所用嘅產品都香噴噴的，令我好放鬆～隨即係修眉同埋針清，簡簡單單，很快便完成。下一步係敷上peeling gel，美容師講明呢隻唔含酸，刺激性大大降低。然之後敷上一個有助血液循環的面膜，這個面膜可特別了。當敷用後，面部會變得很紅紅熱熱的，她說這是新科技呀，是新研發！咁當然要舒緩一下呢啲熱熱地的感覺啦，所以美容師會塗上兩層精華，有助降紅和保濕。最後敷上面膜就完成啦！！

以下係效果圖，美背^O^，還有助令皮膚達到緊緻回復彈性功效。 能看到皮膚的質素有改善，是頗很明顯的～表面光滑了，還光澤了一點點。

美容院有一點點sell我，但不強迫！當中嘅內容，佢介紹咗格仔plan比我，真心覺得幾抵，$150一次，最少買十次，即係$1500/10次，仲話只限新客戶。 當時心旭旭都想join，可以揀按摩或者facial，種類亦都豐富，不過依家仲係學生，考試月時手頭勁緊，錢唔係多，就唔學人join喇XDDD 有些錢都會想join~~ Cotton Rose @cottonrosegroup https://www.facebook.com/cottonrosegroup/ 是次產品和資料由Cotton Rose提供 文章全部內容均屬個人意見及感受，使用效果因人而異，並不代表該品牌／公司之言論及立場。 ～～～～～～～～～～～～～～～～～～～～～～～～～～～～～～～～～～ Contact me：peggysinpikki@gmail.com Facebook page:https://www.facebook.com/piggyandsiushan 入黎禁個讚留意下我既新動向啦 :D 多謝收看♥♥

療程—古法翡翠刮痧@Sweet 22's beauty

是日嚟到位於旺角飛達中心的Sweet 22's beauty試做古法刮痧，為大家解釋一下古法刮痧，他有別於一般古法刮痧， 以參照中國古代的刮痧技術，利用冷熱翡翠玉石交替作全身及面部按刮，將體內毒素排走。加上玉石本身質地清涼冰感，仲可以令皮膚達到緊緻回復彈性功效。 功效係美背、美白、通經絡淋巴、舒緩疲勞、促進血液循環、活血化瘀、改善頭暈、頭痛、去水腫、耳水不平衡、保濕滋潤、抑制黑色素形成。

位置按下去，都有點酸軟疼痛，應該是平日較疲勞和壓力大，～～ 首先會做人手按摩，按一按穴位和通經絡！然後是刮痧，刮痧其實只係將一塊翡翠喺背脊由上至下，刮咗大約五分鐘就已經明顯見到刮痧的痕跡，起了不少痧。

隨即將翡翠玉石放在身和面上，感覺微微冰涼，因受地球磁場的作用，人類發掘到的玉石所含微量元素成分與人體相同， 玉石在與人的作用接觸中，生物場相諧共振，即人玉相通。 玉石具有特殊的電光效應，在皮膚磨擦過程中，可形成一個電磁場， 促進各器官更協調，更以穩定情緒、平衡生理機能的作用， 用清涼的玉石按摩面部皮膚，還可以鎮靜神經，和消除皺紋等 放好後便開始進行耳燭，耳燭是把一根空心蠟燭插到人的耳朵上點着，熱氣上升形成真空負壓，可吸出耳垢，甚至能吸出內耳、鼻竇和大腦里的有害物質，起到排毒的功效。另外，蠟燭在燃燒過程中產生的熱量和震動向下傳到耳朵，感覺暖暖的，很舒服喔～～可是時間不太長，一枝耳燭整曬兩邊耳仔。

特別喜歡穴道按摩，刺激一下血液循環系統，當係運動左（哈哈），睡著也能動動肩膀！ 成個treatment重點係舒緩疲勞，仲可以美背～ 另帶一提，房裡播放著很soft的音樂，令人感到很放鬆～ Facebook: https://www.facebook.com/Sweet-22s-Beauty-1844467689163947/?fref=ts 是次產品和資料由Sweet 22's Beauty提供 文章全部內容均屬個人意見及感受，使用效果因人而異，並不代表該品牌／公司之言論及立場。 ～～～～～～～～～～～～～～～～～～～～～～～～～～～～～～～～～～ Contact me：peggysinpikki@gmail.com Facebook page:https://www.facebook.com/piggyandsiushan 入黎禁個讚留意下我既新動向啦 :D 多謝收看♥♥

點曬都無有怕！全新升級Bioré水凝長效保濕防曬乳 | 水凝光感透薄BB防曬霜

夏日為大家帶來防曬！我最怕黏笠笠的防曬液，我認為防曬液除了有持久的防曬功效之外，質地清爽亦很重要，特別是對於我這個敏感痘痘肌皮膚來說，不能感到有任何侷促。 講起Bioré水凝長效保濕防曬乳，前兩年中學時期有用過枝，身邊唔少同學都有用呢隻牌子，它有著透薄質地，平平地，感覺又唔錯，估唔到2017年皇牌產品全新升級—Bioré水凝長效保濕防曬乳。我不能執輸，也試埋一份：【升級產品】Bioré水凝長效保濕防曬乳和Bioré水凝光感透薄BB防曬霜，一於跟大家分享。 左：Bioré水凝長效保濕防曬乳 右：Bioré水凝光感透薄BB防曬霜

【升級產品】碧柔水凝長效保濕防曬乳Bioré UV Aqua Rich Essence SPF50+ PA++++[面部及全身適用] 建議零售價︰HK$99.9 / 50g GAP (Gel Agar Particle) 水分子的革命性水漾質感，長時間保持如水般透薄質地。升級強效配方，讓防曬更均匀覆蓋肌膚表面，提升防曬效果。性質溫和，通過過敏性測試，防水耐汗。

質地清爽，搽完好快就給皮膚吸收，一啲都唔黏黏笠笠，可當妝前底霜，減少一個底霜的步驟，同時亦慳番一啲時間。若然係化妝嘅話，還可以令隨後粉底修飾效果更持久貼服～～ 而我平時搽完呢支防曬霜就會上有色碎粉，塊面keep住乾爽～大約半日就會開始出油，效果都ＯＫ，感覺上仲有少少控油添！

下一枝係Bioré水凝光感透薄BB防曬霜，bb霜大家可能會諗到好厚、遮瑕度好高嘅bb cream（幾年前好hit），但其實兩者一啲都唔同。有咩唔同，陣間再講！ 細緻的膚色柔粉能針對不同膚色，自動提升亮白度及修飾毛孔，締造水嫩貼薄無瑕裸妝。 蘊含清爽柔粉，保持肌膚輕透細滑 ，可防止出油及脫妝。 碧柔水凝光感透薄BB防曬霜 Bioré UV Aqua Rich BB Watery Essence SPF50+ PA++++ [面部適用]建議零售價︰HK$99.9 / 33g

目測見到有些調色粒粒，質地非常之水潤。

Bioré呢個呢隻遮瑕度真係冇乜，我唔會expect佢幫我遮到暗瘡、色斑等等嘅功效，這些功夫要交給粉底液或者遮瑕膏了。除咗防曬，咁聽落呢支咪冇乜用，咁同普通防曬霜有咩唔同？ 我體會到嘅係佢有提升亮白嘅功效。特別係瞓咗五六個鐘十分難捱的日子，搽完呢枝，眼袋冇咁瘀黑脹，有返啲氣息，有著自然修飾效果。我可以形容佢係集水感保濕、防曬、調色於一身。

少少嘅皮膚調色，再加上一層薄薄嘅碎粉，就可以做到裸妝嘅效果。我認為好啱一啲大學生又或者平時唔點化妝嘅人，就算平時化開妝，想偷幾日懶，呢支可以話係懶人必備！！

售賣點： 各大個人護理用品零售連鎖店及超級市場有售 產品查詢電話： 2866 3776 網頁︰ http://www.kao.com/hk/biore Facebook︰ http://www.facebook.com/biorehongkong 是次產品和資料由花王Bioré碧柔提供 文章全部內容均屬個人意見及感受，使用效果因人而異，並不代表該品牌／公司之言論及立場。 ～～～～～～～～～～～～～～～～～～～～～～～～～～～～～～～～～～ Contact me：peggysinpikki@gmail.com Facebook page:https://www.facebook.com/piggyandsiushan 入黎禁個讚留意下我既新動向啦 :D 多謝收看♥♥

遇上你不遲也不早：URIAGE 深層保濕卸妝水

平日皮膚比較敏感的我不想經常刺激到皮膚，所以上學的日子通常都選擇不會使用粉底或bb遮瑕霜之類，以免堵塞毛孔再次爆發瘡戰。開學至今，平日一般只是薄薄一層防曬和控油碎粉。（也是懶的關係吧！嘿嘿）久而久之，發覺自己的卸妝水耗用量也挺大的。這個時候能夠使用到URIAGE深層保濕卸妝水的確很開心，更開心的是遇到適合自己的產品。 講到卸妝水，唔難諗起兩個b字頭大品牌的，無可否認它們的廣告量比較大，而URIAGE，大家應該比較少聽！它屬法國殿堂級醫學護膚品牌，皇牌產品唔少得Thermal water 噴面礦物泉水。也是醫學防敏領導品牌，Uriage的活溫泉水是世界上唯一含等滲特質，其泉水內的礦物元素與人體細胞可自然調節融合，因此不會對肌膚造成任何負擔，使天然泉水礦物精華能完全被肌膚吸收，絕對係好嘢嚟！！

Uriage 高效防敏卸妝水獨有 Uriage活泉水成份，達到高效保濕的效果。蘊含卸妝微團（micelles）（油痴油，水痴水咁解，能夠御走防水防油的化妝品），能溫和而且有效地清走化妝品及皮膚上的殘留物，適用於潔淨敏感肌膚。它擁有潔淨保濕，防敏和抗微生物成份，可以舒緩並且保護皮膚屏障等多重功效，並同時可以減低因化妝棉摩擦皮膚對其造成的拉扯及傷害。聽落唔錯，唔知卸妝乾淨程度又係點呢？

以往一直認為比較難卸的不脫色唇膏和眼線液等等都卸得乾淨，意想不到的是它的潔淨能力很高。某些卸妝油入眼會弄得眼睛通紅，這枝夠溫和和達到理想的效果（卸走頑固的眼線和閃粉！）

使用後皮膚不會感到乾緊，看真啲！毛孔清潔得好好（對此產品感到滿意，哈哈）

面部方面，抺後感覺非常清爽乾淨，平時又不會令皮膚感到乾緊和痕癢，活泉水成份是挺棒的！這枝高效防敏卸妝水同時帶有高度抗敏、滋潤、舒緩和保護肌膚的功效，對於我這個敏感肌來說，實在值得長線投資。配合化妝棉使用，極速卸走我的淡妝，跟使用卸妝油卸所需時間冇大異。 也要介紹一下URIAGE噴面礦物泉水的特別之處！它蘊含 11000mg/L 天然礦物總含量，其滲透壓與人體細胞的相同， 使天然泉水礦物精華能完全被肌膚吸收，同時不造成肌膚的負擔。噴霧有效擊退20大肌膚問題舒緩敏感肌膚： 皮膚發紅/ 眼睛疲勞/ 曬傷/ 濕疹/ 紅色斑塊/敏感/ 粉刺/ 青春痘/ 激光治療後的肌膚不適等 7大主要功效，呵護脆弱肌膚： 保濕、舒緩、修護、抗氧、抗敏、抗發炎、抗自由基，是敏感肌的恩物喔！！

定價: Uriage 高效防敏卸妝水 HKD175/250ml, HKD225/500ml 官網參考: http://www.watsons.com.hk/BrandList/URIAGE/b/URIAGE Uriage 高效防敏卸妝水：http://www.watsons.com.hk/product-uriage/micellar-water-moisturising-blue-500ml/p/BP_287967 Thermal water 噴面礦物泉水：http://www.watsons.com.hk/product-uriage/eau-thermale-spray-water-50ml/p/BP_274461 是次產品和資料由URIAGE提供 文章全部內容均屬個人意見及感受，使用效果因人而異，並不代表該品牌／公司之言論及立場。 ～～～～～～～～～～～～～～～～～～～～～～～～～～～～～～～～～～ Contact me：peggysinpikki@gmail.com Facebook page:https://www.facebook.com/piggyandsiushan 入黎禁個讚留意下我既新動向啦 :D 多謝收看♥♥